Евгений Макаренко: «Ордабасының» тағы бір қымбат мұрасы

5 апреля, 2025 Выкл. Автор Анна Цурканова

Украиналық легионер-Шымкент қаласындағы ең жоғары жалақы алатын ойыншылардың бірі, деп хабарлайды vera.kz

«Ордабасы» футбол клубы бірнеше апта бойы ойыншылардың жоғарғы жалақысы бойынша үлкен пікірталас болып, көпшіліктің бас назарында болды. Шымкент қаласының әкімі Ғабит Сыздықбековтың жақында жасаған сыны Асхат Тағыбергеннің кетуіне алып келді, қазіргі таңда ол қостанайлық «Тоболдың» құрамында. Алайда, командада әлі де жоғары жалақы төленетін легионерлер бар, олардың ішінде украиналық жартылай қорғаушы Евгений Макаренко ерекше көзге түседі. Оның жалақысы, бейресми деректер бойынша, Тағыбергеннің жалақысына жақын соманы құрайды (20 миллион теңге), бірақ ол мұндай қаржылық салымдарды ақтайды ма?

Евгений Макаренко «Ордабасыға» келгелі бері легионер келісім-шартына сәйкес одан күткен қажетті нәтижелерді көрсете алмады. Өткен маусымда оның позициясы шамалы болып көрінді: әсер етпейтін статистика және ойынға шешуші әсер етпеу. Ал ағымдағы маусымда бұл футболшы Шымкент клубының құрамында бола тұра, алаңға мүлдем шықпады. Футбол жанкүйерлері мен сарапшылары: қалалық бюджет есебінен қаржыландырылатын командада осындай жалақысы бар ойыншының болуы ақтала ма? Егер оның үлесін басқа ҚПЛ командаларының ұқсас позицияларымен салыстыратын болсақ, онда «Ордабасыда» басқа да перспективті ойыншылар бар екенін көруге болады, олардың мотивациясы мен қабілеті жоғары болғанымен, контрактілеріндегі соммасы бір неше рет төмен.

«Ордабасы» клубі күрделі қаржылық жағдайда. Қала билігінің мәліметінше, соңғы жылдары клубқа миллиардтаған теңге жұмсалды, бірақ бюджеттің көп бөлігі инфрақұрылымды немесе балалар футболын дамытуға емес, тек қана футболшылардың жалақысына жұмсалған. Қазіргі ойыншылардың үлкен жалақысы клубтың бұрынғы президенті Бауыржан Әбдубаитовтан мұраға қалған. Естеріңізге сала кетейік, оған қатысты қылмыстық іс қозғалған (толығырақ мына жерде: https://vera.kz/eks-prezident-futbolnogo-kluba-ordabasy-popal-pod-ugolovnoe-presledovanie/). Мұндай жағдайда ойыншының өзіне осындай ақша төлейтін клубтан кетуі тиімсіз. Ол басқа командада осындай қаржылық жағдайларды таба алмайды. Күмәніміз жоқ, оның агенті клубтан ең көп төлемдер мен өтемақыларды сығып, соңына дейін саудаласатыны сөзсіз. Тағыбергенмен жедел келісе алдық, оған қарағанда Макаренкомен жағдай әлдеқайда қиын болады. Украиннің жасы 21 мамырда 34 жасқа толатындықтан, оның жаңа клубқа ауысуының ықтималдығы аз, яғни ол келісімшартты соңғысына дейін ұстайды. Бұл «Ордабасы» клубының трансформациясы мен бюджетті оңтайландыру процесін қиындататын тағы бір фактор.

Тағыбергенмен болған оқиға, қоғам мен билікті сыны клубтың контракттік саясатын қайта қарауға және өзгертуге әкелуі мүмкін екенін көрсетті. Егерде «Ордабасы» шыныменде өзінің даму векторын өзгертіп, жәй ғана легионерлер шамадан тыс жалақылар алып, бірақ нәтиже көрсетпейтін клуб болмауын қаласа, онда Макаренконың жағдайы осы трансформациядағы кезекті қадам болуы керек. Қазір жанкүйерлер мен футбол қауымдастығы клуб басшылығынан нақты іс-әрекеттер күтіп отыр.Қазіргі таңда қымбат бірақ нәтижелері жоқ легионерлерді қаржыландыру, жәй ғана қате емес, «Ордабасы» мен жалпы қазақстандық футболдың беделіне елеулі соққы болуы мүмкін. Естеріңізге сала кетейік, сілтеме бойынша «Ордабасы»командасы мүшелерінің қандай жалақысы мен бонустары болғандығы туралы толығырақ оқи аласыз. https://vera.kz/boloto-s-zolotymi-zarplatami-skandal-vokrug-fk-ordabasy/

сурет dynamo.kiev.ua сайтынан алынды.

Қазақстан жаңалықтары: